交換禮物

2007-12-25 日記

聖誕節真係有禮物收喎。前日我同mandy 去左shopping，首先去左佢屋企集合先，臨出市中心前我偷偷地放低左張聖誕卡係佢枱頭，諗住比個surprise 佢。之後出發到屯門市中心行街，話大家買禮物送比對方。我想買返d 衫，因為我唔夠長衫著，我地去左Esprit 睇，幾百蚊一件衫，又唔係靚，雖然揀左好耐，但係此中物唔所值，買唔落手，之後再行返d 平d 既男裝鋪頭，入到去好快就揀到兩件衫，都唔洗100蚊件，仲睇睇下睇岩埋一件褸，件褸二百四左右，唔算貴，埋單都係四百二蚊，係Esprit 兩件衫都買唔到呀。雖然唔係有牌子，但我此中都係鐘意實而不華既野。
我既禮物就揀左啦，到買禮物送比mandy。佢話佢想要一個銀包，佢睇中左個地圖銀包，一講起地圖，我有見過街上有人咩過呢個牌子，覺得幾靚。去到一個大型既商場，咁岩見到有賣喎，好快就睇中個銀包，折實四百七，唔算貴，所以好快就買左啦。大家都揀到心水既禮物，真係開心。

買完野返返我地既飯堂”上裕”食日本野，想叫海膽，點知賣哂，更係啦…..咁平，58蚊板，更係賣哂啦。無食海膽，結果比我地平時食平左，只係食左二百二蚊，平時食成二百七八蚊，但係因為有飯，所以都飽。

Mandy 返到屋企上網，search 下個地圖牌既資料，發覺一樣野，原來我地買既唔係我地心中想既地圖牌，人家既地圖名牌子係黎自意大利，但係宜家呢個係係台灣做，原來係台灣牌子，睇返資料原來係兩個唔同既牌子黎架，唔可以話係假野，只係袋款好相似，唔識既人會比佢誤以為係意大利個個品牌。雖然唔係假野，但此中心裏都好似比人欺騙咁，如果有得揀，都唔會買啦。只怪我地對名牌認識唔深，之前無做research先會有咁既結果，以後想買名牌都要做少少功夫先得。