除夕夜

2007-12-31 日記

我記得近呢兩年除夕夜都同mandy 去沙田公園倒數，但係倒數完都要趕車返屋企，好辛苦。今年都有倒數活動，不過唔係出街，而係留返係屋企過新年。放工返黎沙田，問mandy 食d 咩，大家諗左好耐結果決定食大家樂，買外賣，仲要比20 蚊coupon，兩個飯加埋只係比左42 蚊，真係抵食。

拎返屋企，無幾耐mandy 就黎到，食完飯後佢拎左隻vcd 出黎，部戲係叫做”笑死人凶間”，係一套搞笑既喪屍片，但係睇左一半，一d 都唔好笑，仲好悶忝，呢套片係我睇過數一數二既爛片，但係無理由睇左一半又唔睇埋佢既，結果都睇完，睇完都十一點幾，上下網都差唔多倒數，同mandy 睇住電視機倒數都係第一次，今年IFC 有煙花放，但係d 煙花就簡單左d 啦，同外國個d 倒數煙花真係無得比，今年香港叫第一次，希望下年有進步啦。

倒數完送mandy 去搭車，落到去車站都係十二點三，睇返個站牌尾班車係十二點半，理應搭到巴士，但係等左半個鐘，等到十二點九都未見有車黎，心知不妙，真係無車搭返屯門。諗諗下帶佢走去石門睇下d 鐵路開到幾點，好彩開通銷咋，但係要辛苦mandy 啦，要轉好多程車先返到去，返到去到兩點九。

巴士公司真係離譜，d 時間都唔準，亂咁黎，白要我兩係條街到食風。