奇妙的一天

2008-01-23 日記

簡直係奇妙既一日，星期二晚 (22號) 先send e-mail 去d agent 到搵工，第二日係我早上迫地鐵既時間就打黎話有工適合我，但因為迫緊車，所以叫佢九點先打黎。

九點個agent 佢打黎，我走入去廁所傾，佢問我對FX 個d 有無認識，咁我當然有啦，我話因為一來我經濟系出身，二來我又考到HKSI 既衍生工具證書，三來又讀過下CFA 既course，所以對各樣金融產品都有一定認識。佢話有間外資銀行請settlement，問我有無興趣，我更係有啦。咁佢就將我既CV send 去比佢client 睇下岩唔岩。話遲d 覆返我。

過左一陣，佢話果邊client 覺得我都適合，話想見一見我。但係個agent 話因為呢個position 就黎完，想盡快完結，所以想盡快見我。佢問我即日得唔得，但係我八點約左去踢波，佢話夜晚等到我最遲六點九，咁我為有頂硬上。因為果日好多野做，一定唔可能咁快走，咁所以我同ivy 姐講六點三走，好彩佢無問我點解。

六點三走人，即搭地鐵去金鐘pacific place 1 見工，上去佢office 見HR 同兩個managers。加埋見左一個鐘，又用英文又用中文答，但對我黎講係得心應手，因為我好享受每一個interview，我覺得好有趣。我完全係無準備，公司背景同工作性質都唔係太清楚，但我都可以憑我既知識同觀察力去一一解答。例如佢問: 永隆同我in呢間銀行有咩分別，又問: 我對永隆背景既認識，又問: 用英文答呢份工要有咩條件去做得好之類既問題，我完全無準備，有時我都靜左十幾廿秒先可以再答，我不斷望出去，睇住d 鬼佬做野，終於有d 靈感，除左我講需要知識之外，仲要有好既英語，又要有好既電腦應用能力，因為我睇到佢地用一d 特別既program 去做野，呢d 臨場發揮真係好有挑戰性，實在太刺激啦。

見完HR見兩個經理，兩個都係女人，一開始又係用英文面試，之後用返中文，但問左乜野就真係唔記得啦。我問佢地幾耐知結果，佢地話好快。見到七點九走人，走時又同其中一個經理一齊走，大家去緊搭地鐵有傾有講，佢問我係咪好鐘意讀書，話我拎2-1咁叻，我話唔係，我話自己中五時好差，去左英國發奮途強所以先有今日。佢都好impressive，呢個亦都係真既。

呢次interview 我都好滿意。好希望唔好再一次”希望越大失望越大”。