心情大轉變

2008-01-25 日記

果日個心情由興奮轉為失望。一早個HR 直接打比我，係度勁對唔住我，我都唔知咩事。個HR話佢make 左一個mistake，佢話佢打錯左我個grading 同年假數。上個日記提到我係pre-management grade，宜家改為clerical grade，而年假由本來既17 日改為12 日，因為呢個grade 係屬於12 日年假，即係比我宜家係永隆仲要少2 日，oh….my god，點可以咁架，你一個錯誤真係累死我呀。佢問我仲做唔做。我有少少惱既語氣同佢講: 我連辭職書都比埋，我仲有得揀咩。比著大家一定會惱，grading 唔緊要，但17 變12 真係差好遠。我即刻好唔開心，為一多左既係本來無得claim OT，宜家因為變左低級職員而有得claim OT。但因為interview 時個manager 話唔鼓勵我地遲放工，即係想claim OT都難。

無得揀，為有照做。約左個HR lunch 時去簽約。去到佢又同我對唔住，我心情已經平服返，無再話佢。諗真d ，雖然由17 變12 好似好多，但如果同永隆比都係差2 日，唔算太多。

我為左呢一份工放棄左好多錢，例如我要補四日提早離職，個度我估2000 蚊，我放棄左四月中既花紅，估計都有2 萬。未見官先打三十，未返工先嘔2000。我個新employer “National Australia Bank” 係一間澳州大型銀行，我又可以做到我想做既treasury / FX 呢類投資性既settlement，又可以5 天工作，可以六點準時放工，呢d 都係我想要既野，永隆係比唔到我架。D 人可能會話我咁早就搵工，唔等埋四月花紅先走，但因為外資行多數係年尾出花紅，如果四月先搵，可能個機會已經少左，為左長遠既前途同利益，我為有放棄我既花紅。比著係你地，你地會點揀﹖

宜家我係以最低級既文員級受聘，比起我宜家係主任級真係大大不同，但人工仲多過我宜家係永隆，真係奇怪。我為有向好方面諗，因為我無settlement 經驗，所以由低做起係應該既，難得佢知我無經驗都比機會我，我應該好好把握，等我努力d 做，過左probation 可能有得加人工。加入外資銀行係一個好好既踏腳石，第時過檔都易d 。