Matthew 家中作客

2008-01-18 日記

果日約左Peter 同Matthew 去沙田市中心”紅螞蟻”食飯，原先淨係約peter 係17 號搞下揀基金個d 野，因為我份人壽保險有基金成份，宜家個戶口已經有價值，所以佢搵我揀返d 基金。咁岩佢又約左Matthew 係18 號搞基金d 野，所以我叫佢18 號大家一齊食飯見下面順便整埋d 野。

去到食飯，即刻揀，因為我對呢d 都熟悉，所以都唔洗點同我解釋架啦，同埋我唔係供好多錢，所以唔係太緊要。我結果揀左一隻”太平洋基金”同”拉丁美州基金”。好快揀完食野，叫左兩個飯一個意粉仲有兩個小食。都幾好食，Peter 食得比較少，結果都食唔哂。

食完去左Matthew 屋企坐下，原來佢一個人住係沙田第一城，咁真係好近我屋企，但都要行3-4 個字先到。個單位細細地，四百呎唔夠，但一兩個人住已經夠哂。問佢幾多錢，佢話宜家市價大約都150 -160 萬，平均呎價都要3700蚊，算係幾貴。佢岩岩搬左3 個星期，d 野都未黎哂，電視都無，坐下傾下計都十二點，佢又要第二日返工，咁大家就走啦。我都想有自己個窩，好似係英國咁真係超爽。