大年初一

2008-02-07 日記

年初一年年都係一樣，一早去呀嘛呀爺度拜年，我嘛嘛地鐘意食椰汁糕，但我比較鐘意食既係蘿白糕同茶葉蛋。食過下午，同往年一樣，一齊乘車去左六伯公個度拜年，同呀姑姐傾下計咁，跟住睇賀歲波，港聯對烏拉圭既”鵬拿路”，香港打得好好，最後嬴波係實至名歸。睇完波又咁岩有線做周星馳既”功夫”，我雖然睇過，但都想睇多次，我覺得呢套片既特技好有水準，故事性都幾好，係少有高質素既港產片。

睇完戲都六點，本來同細佬諗住走架啦，又比人留住食晚飯，都六點咪食埋飯先走囉，有我鐘意食既豬利，正。食完坐多陣就走，由堅尼地城行返落去電車路個邊，因為呢一帶係我住左十幾年既地方，但我好耐都無行過黎，所以同細佬行左一陣先走。合和個邊變左好多，多左d 新大廈，又行下太古廣場三期。我離開時都仲未建好。經過d 物業代理鋪頭，睇下灣仔d 價，李節花園500呎賣400萬﹖係真唔係呀，真係唔多信，咁咪為到8000蚊呎﹖太古城都唔洗咁貴啦。

去到太古廣場，又帶細佬睇下我第時做野既地方，即係太古廣場一期。睇完就搭地鐵返屋企啦。