年初二

2008-02-08 日記

初二去呀嘛度食開年飯，有親戚黎拜年，又係食返個d 野，無咩好提。食過開年飯，再去左呀公呀婆度拜年，佢地住係大埔，搭72A巴士過去，但係呢架車最長可以等半個鐘，如果走左班就真係等好耐。好彩呢次等左十幾分鐘就有車，仲要係空調巴，之前搭全部係熱狗。去到呀公個度，坐坐下就訓著左，真係太累啦。

坐左個幾鐘就走啦，走到落去馬路，已經望到個站，岩岩有架72A係對面，如果走左又要等半個鐘，即刻提手叫佢，點知佢又見到喎，停比我地，真係好好彩呀。