第一日返新工

2008-02-18 日記

呢日係第一日返新工，心情又緊張又興奮。特登著套西裝返工，話哂第一日比個好印象比d 新同事。新公司返九點，但我都係一樣時間出門口，返到去八點九，個HR都未返，有同事安排我入間房等，九點鐘個HR返到黎，佢比左個職員證我，有埋張access 卡，用黎出入。影印我個pass book 用黎出糧過數，跟住帶我去行個圈，講解返咩組負責咩業務，個茶水間好大，有咖啡機免費任飲espresso，雪櫃既酒同汽水係任飲，我真係想像唔到。行完個圈，我就返返去我個工作岡位。我個group 連埋我有5 個人，兩個經理級，佢地個個做野都係一路做一路傾計，有講有笑，成個氣氛都好融合。

我第一日既工作就係學打RTGS同SWIFT，打呢d 我當然無問題，但因為新公司用既system 係唔同，所以都要慢慢睇返咩位入咩資料。我係做treasury and FX/MM settlement，當然要去學返呢方面既知識啦。打payment 出街只係個結果，我學既係之前一連串既動作，例如由有單deal 開始，之後點樣先可以settle，呢d 經驗係大大細細既銀行都會有用，因為每間銀行都會做forward 同swap，所以學呢d 野先係我轉工既理由。

我食一點鐘，要出去買飯食，我去左兒時住係灣仔時既飯堂”新利民”買左盒”白汁雞皇飯”，來回都要五個字，返到公司食，食完都差唔多兩點，好快又要開工，其實一個鐘都唔係好多時間食飯。

由於第一日返工，d 同事比我六點就可以走，我約左凱風同列英豪係灣仔食飯。我地去左大有商場既”x翠拉麵小籠包”食上海野，我介紹去當然係正野，佢地都食得好開心，食左好多野，賣單都係每人一百二，簡直係平靚正。

最後又話搵日去”隨你鐘意”買壽司上黎我屋企食，我好期望呢一日既來臨。