返新工第三日

2008-02-20 日記

返新工既第三日，都係唔記得d log in id 同password 係邊個打邊個。我開一次機要log in 5-6 個password，個個id 都唔同，真係一時間記唔清。好彩我一開始就抄低哂，所以最多都係慢d 姐。教我個個人都話: 醒喎，可以自己一次入哂d system，唔洗搵IT d 人黎搞。佢既口吻好似以前d 人搞唔掂。係呢度做野真係要用個腦去做，要明白做既野係乜同點解要做，唔好厭我煩，我真係走去問得好detail，好似d 英文縮寫係stand for 咩，如果做少左或做錯左有咩後果之類既問題。佢地無教我咩係FX 咩係swap 同forward，全部都係自己以前學返黎，所以我係面試時都講: 因為我有知識，所以我一定比人學得快。宜家我相信我做到。

因為我係永隆做左幾年，黎到新公司難免有所比較，係永隆做我學左好多防守性既工作去保障公司利益，但係NAB 就比較casual，唔係做得好煩復。唔會將d 野寫得好清楚，可能我個team 得5 個人，assume 我地睇住份野就知道咩事，唔洗寫得清楚。

下午食飯，有個dealing room 既同事請我地個team 食lunch，去左和記大廈既”潮庭”食lunch，一行七人，佢地都好捨得食，lunch 都食龍蝦，又叫左條斑食，埋單1600蚊，個同事真係闊綽。我就有食神啦。結果食lunch 食左2 個鐘就返去，又要博殺。

第一幅相係我工作既位置，可以望到維港既景色。
第二幅相係係我個位起身影既，前面個位就係我個上司。
第三幅相係個門口位，隔離就係dealing room。