日式燒烤

2008-03-13 日記

上星期四約左呀vic 出黎食飯，去左旺角一間日式燒烤店到食日燒，我地淨係叫左盤set 好既雜錦盤，有雞翼，有牛肉，有蟹腳，有豬肉，好似好多咁，但其實唔係好夠，食完我都係得60%飽，呢盤野要成三百七十蚊，樣樣肉都有名堂，唔知咩日本黑豚肉，咩北海道松乜蟹，都唔記得咁多，味道都唔錯，只係份量少d ，不過日本野係咁，食唔飽，本來想叫多個麵或飯，但結果都係去左第二度食。其間講左d 祕密比呀vic 聽，我以前無同其他朋友講過。

食完九點，突然諗到想試下老麥既double，咁就去左試啦，個包好似孖芝，但兩塊肉係厚d ，都幾重手，食完個包岩岩好，80%飽，呀vic 就食左個開心樂園餐。原來佢買左我個部pda phone，佢裝左好多program，成個interface 都唔同哂，佢用bluetooth send 左d program 比我，走時又試下個GPS，但四圍都係樓，定唔到位。

返到屋企諗住試下個全新形象既pda phone，點知個screen 無返應，解唔到鎖，死啦……..結果要restore 部機，咩setting都無哂，唔知係咪我個window mobile 未update 所以撞死左呢﹖都係叫呀vic 比個update version 我再試。