真係好玩.......

2008-03-14 日記

轉左新工，新既工作，真係忙左好多，喘不過氣來，返到屋企好累，搞到寫日記既動力都大減。

上星期五少有咁係屋企食完飯先出街，九點鐘出去沙田富豪個邊，約左Peter 同Matthew 打保齡球，個度好近大家屋企，大家都係住沙田，我搭284 都唔洗十分鐘就到，去到peter 帶多佢個同事黎，佢住碧濤，只係係我隔離。四個人打保齡，我好耐無打過，打得好差，(圖一) 第二個M 字就係我既成績，只係打出61分，好多球都落坑，打打下開始找到曉門，所以第兩局(圖二)就打出左92 分，仲少有地打出左一次全中，真係開心，打左兩局，見隔離有得打pool，大家就去左打pool啦，我同peter 係大學成日都打pool，我係輸多贏少，但次次都係輸好少，大家實力其實好接近。我返左黎香港呢幾年都無再打過pool，所以宜家有得玩真係好開心，50蚊一個鐘，抵玩，我平時成日都睇英式桌球，好多人會覺得悶，但我就好鐘意睇，可能我睇得多，好似水準反而仲上升左，都有能力set 到d 波打，真係好玩。有一局我同Peter 只係用左三四分鐘各兩cue已經打哂d 波，佢個朋友話好似睇比賽咁，哈哈!!!

結果玩到十二點半，每人都係玩左九十蚊就可以玩左三個鐘，真係超值，下次又再去玩過。