有感而發

2008-03-24 日記

我轉左工已經有一個月，宜家做既野已經開始熟手，但都仲有少少既步驟唔記得，好似stamp 少一個印咁。我轉左工之後，先至發覺要再去適應一個新既工作係一d 都唔易，除左新既工作，仲有人事，時間同文化。所以點解d 人明知出面人工高，福利好，對自己份工有幾唔滿意都好，佢地都係唔會轉工，因為轉工有好多uncertainty，好多你唔知既事，人事有幾壞你唔知，福利點你唔知，工作環境你唔知，人工高左少少都未必補償到呢d 既損失。之前對新工作充滿期盼，又緊張又興奮，但做落，又有好多難關要過，人事係一個好主要既問題，工作做得順唔順暢都係靠佢。

係一個地方做耐左，做熟左，人事關係無咩點既都真係無咩動力去轉，由其係有左家庭既人，多一事不如少一事，settle 左就算。

so far 我都未有後恢過轉工，宜家做既野對事業有用，相信遲d 都會學債券既settlement，同事問我係呢度會做幾耐，呢一刻真係答唔到，做到心灰既時侯就會想走。