復活節假期第二日 2008

2008-03-22 日記

復活節假期既第二日，又節錄Mandy 既日記:

成晚都訓到腰酸背痛，梗係啦，單人床訓雙人，我條腰骨成晚都呈現伸直既狀態，起身後梗左！我唔理呀，我今日一定要訓晏D，最後訓到十點多先煮早餐。今日陳家二少都o係度，咁我就煮埋佢o個份啦！今日既早餐當lunch有：英式炒蛋(again)﹑火腿(again)﹑肉腸﹑多士(again)。都食得好飽，lunch都唔駛食了！平日要求好高既二少都讚我炒既蛋好味喔~~

之後二少去左自修室溫書，陳Tim就拎返尋晚話要睇又無睇既VCD出黎：「魔戰王：貝奧武夫」實在連佢上過畫我都唔知道既一套戲。今日我又唔係好想睇，個封面又係疑似藝人羅莽咁既一個演員，更唔想睇。睇緊既時候發覺點解D演員既樣咁硬咁既？睇真D原來係真人動畫，即係真係有o個D演員做戲，但係將佢既樣整成動畫，就好似之前「北極快車」一樣......點解陳Tim你買時都唔知道係動畫架？仲要話睇左VCD鋪入面既電視覺得幾好睇先買，咁有乜理由睇唔出係假人呀？套戲唔係爛片，但又唔係特別好睇，睇完唔會覺得o徙時間，但又唔會覺得好倥得咁。都係用黎消磨下時間......

Tim媽話過可能今晚都唔返黎，不過我都係打算今晚走喇，因為都兩晚無o係屋企訓，我有D HOMESICK!!四點多，我就同陳Tim準備出門口陪我返屯門，不過最後都成五點半先出到門口，因為我地臨走前陳Tim醒起尋日買左既雪糕無食過，所以我地又坐o係SOFA度歎雪糕！

返到屯門就上我屋企放低哂D行李先，好似真係去完旅行一樣。之後就過左去上裕食晚飯，最愛既 JAPANESE FOOD~~太興奮，叫得太多食唔哂，唯有陳Tim拎返屋企俾二少食啦~!!
好開心既兩日兩夜camp trip @ 沙田~~