亂哂大龍!!!!

2008-03-20 日記

一早返去公司，突然知道一個壞消息，就係上日有單deposit 到期要走錢，無走到，好彩我個supervisor 係屋企記得 (佢係屋企可以access 公司既system)，幫我出左個payment，如果唔係可能比客claim O/D interest，平時善良(表面係)既經理都黑哂面，佢無鬧我，但感到已經有一股殺氣，19 號個日因為有個dealer 請左病假，呢外一個又放緊假，搞到要佢個老細親自操刀，高層又點會識到低層既野呀，所以搞到d 飛開錯哂，我要勁叫佢amend 返，搞到我又多野做又亂，以至睇”流”眼，無出到payment，今次真係唔小心，真係自己衰左，無得怪人。

結果全日都無咩心機，d reuter 又搞到亂七八糟，對reuter 我係初初做，唔係好熟，但又係好緊要既工作，因為可能有即日chats 要打，係兩面夾擊之下，我好亂。放工我同個supervisor 傾左陣計，講出我有咩難處，睇下佢有咩意見比到我去做好個time management，邊樣做先邊樣做後，好緊要。傾到七點，有左解決方法，希望可以再做好d，幾時都係溝通最重要 (如果佢肯聽你講既話)。

放工約左曉明，佢黎我屋企宿營，一連四日既假期即將開始。