2008-03-27 日記
日日都做到隻狗咁，八點八返到公司一路做到七點幾無停過手，連食飯同去洗手間既時間都無，食飯我一食完就返返上去做野，因為真係太多野做，唔早d 做驚做唔切。壓力都好大，一做錯少少野supervisor 就大大聲聲講出黎，驚死d manager 聽唔到咁，d 人對你要求好高，但其實為一阻礙你工作既野就係佢個system，好難想象一間外資大銀行可以有個咁人手既system，打張draft 要用打字機打，記錄資料要用excel 自己入，d ticket 自己print d 唔print d ，搞到要廢神去睇下邊d 自己print 左邊d 要我去print，如果自己print 左佢又自己print 左可能會重複，咁就又比人鬧。
辛苦完終於放工，約左mandy 食飯，係尖沙咀搭火車去市中心，我地第一次坐頭等，睇下點既感覺同幾多錢，除左座位，最大既分別係唔多人，唔嘈，感覺好好，去到市中心，扣我12蚊，比平時4 個幾多左8蚊，加埋地鐵7.7 即係20 蚊左右，都唔係太貴既..........間唔中一次都ok。
去左supersandwish 食，平平地兩個人食119蚊，我個超級三文治好大個，但此中比我係英國整既仲差d d 。
食完捉左mandy 陪我去打桌球，自從同d 朋友去過打之後，成日都心癢癢咁再去玩，但無人肯陪我去沙田督波，去到d 保齡球lane 滿哂，但桌球就一個人都無，我地可以包場打哂，50 蚊一個鐘，唔算貴，我知道mandy 唔識打，咁我就教佢打啦，督波好講姿勢，姿勢決定你打得準唔準，初初學姿勢更係好難，好生硬，打多幾次就會掌握到，咁就可以好自然咁去打。
結果打左兩個鐘89蚊，下面就係49x 巴士站，返屯門都方便，mandy 我地下次又去再打過啦......
2 則留言:
發佈留言