傳聖火接力

2008-05-02 日記

奧運聖火終於都到左香港，傳聖火活動點解唔係五月一日呢﹖新聞話有十萬人睇，如果係五月一，我相信睇聖火既人會多幾倍。街上好明顯多左人著紅色衫，我雖然唔係著紅色，我都整返個"中國加油"係手脾上以示支持。去到四點左右，望出去街度睇傳聖火接力，心情好興奮，大家都好投入同支持。

放工搭火車返屋企，睇新聞直線，講返傳聖火既新聞，其中有段個記者訪問個小朋友，我唔記得問佢咩，個小朋友話" 因為我地係中國人"，之後個記者問返個呀爸" 係咪你教佢講架"。佢好搞笑咁話" 中國人黎架嘛，洗乜教呀!!!"全車即時爆笑，大家都好專心咁睇呢個報導，證明左大家都有一顆愛國之心。