我既工作環境

2007-07-20 日記

今日介紹下我既工作環境。

相片所見，第一幅相係我宜家坐既位址，位於全部門最後最右角落既一張檯。由於我既工作關係，需要用到上裝同office，所以我老細就比多一部電腦我用，係可以上網同一般家庭電腦一樣。我另外又有一部電腦係連住公司個system，個個同事都有一部呢d 公司機，我都唔例外，只係我比人用多一部電腦姐。一個monitor share 兩部電腦，禁個掣就可以兩部機轉換畫面，對我呢d 電腦白痴黎講，真係好新奇。

第二幅相係我部門個全貌，我老細坐係最後左手角落，佢坐到咁遠就睇唔到我係電腦做d 乜野。相片最近個兩位係我其中兩位同組同事，同我一樣，都係負責打電匯之後發放出街，只係我比佢地做多少少野姐。

第三幅相係counter 同門口位，間唔中有d 水客上 黎做電匯，咁counter 既同事就要負責接待佢地啦 。基本上所有客人都係係分行或大堂存款部度做電匯，只係有個別幾個水客厭佢地慢，係都要係我地呢個後勤部門做，真係煩。