東亞銀行

2007-07-25 日記

尋日又再度入市，買入東亞銀行 (23) ，買入價45.60 @ 兩手。原因係我一直覺得東亞呢間銀行幾進取，主席李國寶帶領銀行帶得好成功，華資銀行中呢間銀行我覺得係最好。由06 年高位大約49 蚊左右落到去45 蚊，到宜家借李國寶官司上身，股價又跌多幾日，RSI 回到大約50 左右，叫做正常水平啦。呢單野我覺得唔會影響東亞既未來發展。所以我借股價皮弱入貨。

我又如常到尖沙咀Pacific Coffee 讀書，我呢個月成日去，發覺一個現象，就係好多人都只係淨坐人地d sofa 位，但係永遠唔會買野，仲要係坐好耐，我覺得好唔公平，人地買左野既就無得坐，無比錢既就霸住哂。雖然我都覺得成日去好貴，但係我都堅持自己買野，因為我會覺得唔好意思。另外，d鬼佬又係，唔會買野，但係又用人地電腦上網，一用就用半個鐘一個鐘，真係離譜。好似麥記咁，買杯野坐成日，唔怪得McDonald 業績盈利倒退啦，南美業務仲要切走，所以我一直都睇淡香港既飲食業。