買飛去澳門

2007-08-01 日記

尋日放工去左銅鑼灣中旅社買去澳門既套票，去到時好鬼多人，排左好耐先到我地，今次唔住咁貴，四五百蚊一個人係我地既budget，揀黎揀去，結果都係住返以前住過既金龍酒店。呢間酒店係澳門，近碼頭，方便我地，以前住過都ok，所以揀返呢間。我同mandy 講話我會再住返威斯汀酒店，我以前細個同屋企人住過，好正，下次手鬆d 就去個間啦。結果酒店連來回船票兩人加埋1100 蚊。暑假係貴d ，不過我地係平日出發。二月時去過澳門住金都酒店，全新五星級，都唔錯。個時又係平日去，但係兩個人就1400蚊，個間就遠d ，係”tum仔”。 今次我想試下玩老虎機，睇下咩黎。如果想take 個break 去澳門都唔錯。

尋日大市跌左七百幾點，最多跌差唔多一千點，真係想睇下跌千幾點係點。我個同事話八月係多數d 輪到期，宜d call 輪大多數都係價內，所以d 發行商要做野，整低個市，等d 輪變返做價外先可以有錢賺。聽落又幾有道理，可以作為參考。尋日雖然跌咁多，但我d 股票例如2888，2689，945 同 23 都唔跌好多，23 重升忝。我一d 都唔膽心，我只係睇緊機會邊隻可以低位買。咁樣跌一跌，恆指p/e 應該去返17倍水平。後市又有業績支持，又有中國backup，次按問題係美國既問題，對我地其實係無直接影響。只係美國股市累哂全球姐。我估八月中應該會上返。今日係東亞 (23) 報告中期業績，唔知好唔好呢。