有線 vs PCCW

2007-07-31 日記

尋日結果一早就高開260蚊，係259 蚊入左一手2888，但係估唔到尾市會跌返落黎255蚊左右收市。買早左，但係無辦法。宜家總共有3 手2888，入夠貨啦。東亞 (23) 以大成交升4%，市場覺得銀行業今年業績幾好。宜家手頭上資金仲有2萬蚊左右，中壽 (2628) 已經唔夠錢買，為有睇下中交建 (1800) 同中國神華(1088) 有無機會，睇定先再考慮入貨。

尋日本來讀書，但係讀唔得多。因為尋日係Prison Break (逃) Season Finale，一定要睇。約左pccw 個個人黎簽上網合約。我地一向用開有線上網，用左好多年，但係佢地既服務真係越黎越差，得閒就上唔到網，一上唔到就幾日，打電話永遠係無人聽，打去cut 都搵左好耐先搵到個電話係有人聽，講左好耐先肯寄張cut 單form 黎，黎緊九月到期，要快快cut 左佢。星期日見到pccw 有人做promotion，我地望望下個個sale 就走過黎sale，我地一路等車佢一路sale，最尾佢比張卡片我，我地知道pccw 係最好，但係都好貴。諗左兩日，見個個人斯斯文文好有禮貌又唔hard sell，就打比佢叫佢黎傾下細節。佢十一點黎到，果時做緊”逃”，為有錄左佢。結果傾到十一點九，簽左合約，我地申請左8M 上網，睇英超同固網電話。每月要五百幾蚊月費。哈，我話我自己出200，細佬出50，其餘呀媽比，所以先申請咁多野。但係我無乜時間睇波，只可以揀d 大戰黎睇。有得睇英超，歐聯既感覺真係興奮。