生日快樂

2007-08-18 日記

尋日十二點約左mandy 去朗豪坊整相機，個客戶服務部係二十幾樓，可以望到遠景，好正，等左一陣就輪到我地。部機係果時英國買黎送到佢，都好多年啦……個鏡頭伸唔到出黎，我估整都要六七百蚊，無計啦…….買過部又要二三千蚊。放低比佢地整，跟住去左食野，見到一間日本品牌既burger 店，叫”摩斯”，未食過，走去試下，食落都幾好食……..但係一個餐都三四十蚊，一分錢一分貨嘛。佢個包裝都幾user friendly，炸雞脾一meat 開個矮就食得，唔洗落手咁煩。

食完我就搭車去上堂，學個d quantitative method，例如regression model，宜家發覺都幾有用，原來可以係excel 計埋d mean 呀，standard deviation 個d 野，咁對研究大市真係好有幫助。

上完六點幾，去同mandy 係銅鑼灣換禮物，之後係sogo行下，我叫mandy 揀禮物，因為佢生日，但係佢想要既野都可以係網上bit 返黎，所以就無買到啦。正當係度諗緊去邊度食野好，我突然諗到去尖咀既TGI Friday 食野，以前係英國食過，係香港就未，咁就去試下啦。
叫左個芝士玉米片，星期五漢堡包，同一個雞肉意粉，唔………..係個玉米片比較好……….其如都唔得，呢個價錢係Tuby Tuesday 食重好………人地個漢堡有兩塊肉，佢得一塊，細細個咁，收我一百蚊，服務又唔好…….叫佢拎水好耐都唔黎，d 野食黎哂又唔識比碟，次次都要叫兩次先得，下次唔去食lu。