想食燒鵝

2007-08-04 日記

尋日又係例牌去上堂，今日教portfolio management 及security market，兩個只係佔成個exam 既5-6%，真係好小。但係好彩都唔係咁難，有d 都學過。今次呢個又第二個呀sir，做risk management 既工作，呢個呀sir 無教得咁好，講得好快，又講得好少。成日都話” 呢度都無咩既………係講下xxxxxxxxxxx咁既姐，無咩特別” 又話”呢d 都唔係好重要，可以唔洗講”之類既說話。好彩我有預習，如果唔係都唔知佢講乜。上完堂去左旺角拎野，再去佐孰諗住返返個間野食燒鵝。去到又無哂，一心去食又無，結果叫左燒乳豬併雞，黎到得五件雞，真係好少，又叫左個毫仔粥，好似個d 台灣湯飯咁，但係都ok。叫左個豉椒排骨炒麵，食完個兩樣都飽，都食唔落個麵，食唔哂。食完先聽到話燒鵝十分鐘後出爐，無理由又買架，下次先食啦。坐我對面有個大肥佬，成個黑社會大佬咁，又金鏈又玉，望下望下我地咁，真係又d 驚。

食完去左pacific coffee 讀書，今次唔係淨睇，係做下後面個d MC，睇下識幾多野，無計數機同紙好難做，所以有d 題目都做唔到。坐到十二點返屋企，睇埋”火丸忍者”訓覺。