敘舊

2007-09-12 日記

尋晚同呀vic 食飯，佢係我永隆既舊同事，走左兩年多，少數到宜家都仲有聯絡既舊同事。約左佢係旺角等，諗住食板前壽司，但實左太多人等位，結果我地去左”羽”壽司食回轉壽司，呢間唔洗等位喎，一入就有位，我地揀坐bar 檯食，好似有feel d ，好似人地日本人咁鐘意坐呢d 食拉麵傾計。D 野都幾好食，貴又唔係特別貴，但係食呢d 就真係唔多飽，兩個人食左二百八十幾蚊，差唔多啦，食左十幾碟野食。

之後去左許留山飲野，我地傾計都離唔開投資架啦，佢話佢宜家放哂d 股票，但係有樣野令我驚訝既係佢竟然投資中國房地產，佢同佢呀媽係 06 年係深圳買左個單位，每人比左幾萬蚊出黎做首期，佢話到宜家間樓升值左成倍，兩人賺左個double，中國d 樓價真係升得好快，佢話黎緊09 年佢個度地鐵通車，個價值可能會再升。但係宜家中央宏觀調控，佢間樓唔可以放盤，為有長線投資啦。

返到屋企十一點，諗住做少少題目，結果上下網呀，都成一點，好累要訓啦。