食飯

2007-09-14 日記

尋晚同呀媽細佬去沙田市中心食飯，諗住試下個間 shankey piaza，點知裸飛，嘩，要等二百個號碼，有無搞錯，係咪真係咁多人食呀，見佢真係一個個號碼嗌，雖然有d 號碼係無人既，但係我地等左九個字都係叫得個六七十個號碼，結果唔等啦，去意粉屋食好過，雖然都要等，但係無咁誇張啦，裸左飛去citysuper 行下，行左幾個字返去，點知已經過左，但好彩佢都比位我地。

好餓，好快決定左食咩，叫左個二人餐，加多一個大pizza，餐有天使麵同意大利雲吞，個雲吞幾好食，d 料都幾多。我問呀媽有無去警處，佢話有，落左口供，會幫佢睇返錄影帶，警局話大約三至四個星期有結果，咁為有等下啦。