通街股神

2007-09-28 日記

宜家我又再去返pacific coffee 溫書，星期五放左工去溫書，今次唔讀financial statement analysis，讀返最差既QM，主要係睇返人地d example 點計，上次測驗衰係QM 上，錯左十幾條，如果唔係都可以有七十分，不過呢個試最好既用處就係可以知道你邊part 最差。

果日都溫到下既，溫故之新，睇返學過d 咩，唔識d 咩，econ 真係似住自己major 畢業就睇都唔洗睇，連題目都無練過，真係要做返下。睇左成課，十一點幾先走。期間後面有兩個人又係度講股票，宜家個市升得咁勁，宜家真係通街股神，連呀叔都變成炒股專家，我覺得要成為真正既股神，唔係係牛市到賺到幾多錢，而係可唔可以係熊市來臨前全身而退，所以要睇到一個人投資叻唔叻，要成個經濟週期先可以決定到。大家都會話我可能係佢地其中之一份子，我宜家係，但係我有信心我可以避過。大市雖然熾熱，但係宜家中國正係黃金時期，我相信未來呢兩三年都唔會有熊市既出現，所以我都仲係好樂觀。除非有咩天災人禍，傳染病，恐怖襲擊呢類既事件出現，分分鐘可以將牛市變成熊市，所以大家要小心管理好自己既財富，把握祖國比我地既機會。