減持股票

2007-09-27 日記

果日我終於減持左少少股票，我放哂d 東亞銀行 (23)，放左一手渣打 (2888)，吐現三萬蚊，之後我再膽粗粗第一次買warrant，我買左941認沽輪 (4640)，因為我唔相信佢可以一直係咁升，不過我買左好少姐，六千蚊，但係波幅真係好大，呢d 野都係小小地玩下就算。中資銀行股唔會放，宜家考慮緊減唔減持一手中交建 (1800)。宜家成個組合市值減到二十萬以下。我估計十月會有個調整，幅度應該唔會有八月時咁勁，我估大約1500 – 2000 點咁上下，但係如果十月中央真係開放左資金直通車，咁所有既估計都會錯誤，或者會延遲調整至十一月，所有野都係估，但我相信今年內一定會有調整。