減持求安心

2007-09-25 日記

尋日朝早又去試機，又叫左呀garrison 落黎幫我，老細話每試完一日都要day end 同行batch，咁真係要試好多日先試得哂。但係day end 個果已經有問題，it 個邊諗極都諗唔到點解，day end 唔岩又行唔到batch，所以我同garrison 只係坐係度等。佢原來又有玩facebook，佢add 左我又教我玩入面個個warbook，又幾得意喎，兩條友結果係度玩，又做唔到野，等到十二點半，it 仲未知咩事，咁無計啦，我話你搞掂個day end 幫我行埋個batch，我下次黎先一次過拎埋d 野啦。我地去下面十樓食飯，食完傾左陣我就返總行啦。下次去應該會係星期五，星期四唔去係因為假期後會多野做。

個市尋日由中移動 (941)，中人壽 (2628) 獨力頂住，建行 (939) 終於都頂唔住要回落，唔計佢除息都要跌5%，睇黎大市要調整既機會越黎越大，頂到27 號期指結算，十月就會黎料。雖然我個組合唔係升好多，但係都會比大市拖累，所以我都係有需要減持手上既股份，或者我會將蝕緊錢既東亞 (23) 沽出，又會減持一手渣打 (2888)，應該可以吐現三萬。建行呀工行呀呢d 唔會再減持，只會睇時機再增持。中交建 (1800) 宜家有兩手，但係唔知應唔應該減持一手。十月除左議息日會減息，同埋直通車開行呢兩個消息有機會可以令大市進一步上升，我諗唔到有咩消息可以刺激到個市。減息呢個唔會對大市有好大刺激，因為市場已經期望宜家進入減息週期，只係中央政策最難估，萬一直通車係國慶後無開行，咁大市下跌既機會就好大。宜家所有野都係估估下，宜家個市咁升法，都係減持安心d 。