大跌市

2007-11-05 日記

大市終於都下跌，計埋星期五個日既一千點已經跌左二千五百點，但係我覺得仲未夠，直通車仲唔開一直係我意料之中，之前日記都講過，宜家個市咁高，中央係唔會放錢落黎，但係尋日跌1500 蚊又好似有d 過份，應該係大戶借勢調整。下跌1500 點真係令人興奮，比我之前估既十月中調整，差半個月，但係我依然覺得我之前沽貸既做法係正確。為一美中不足就係渣打 (2888) 走唔到一手 (宜家我有3 手)，睇到佢有兩個裂口，最低個個係275 蚊左右，比最高價 297 有成廿幾蚊差距。唔緊要啦，宜家有六萬幾蚊cash，都夠哂彈藥。

我估計十一月係調整月，十二月又會升返，三萬點應該無走雞，window dressing 係必要既，所以十二月通常都會升。宜家好講耐力，以為調整完，點知又再跌，如果忍唔住買左貨就可能要捱下價。直通車唔係唔開，係遲d 姐，最後中央一定要開，因為佢開係對兩地都有利。所以調整係比大家一個機會買貨。宜家個市應該好sensitive，有d 不利消息就會誇大，走去沽哂d 貨。

宜家應該未完，因為成交唔配合，d 人未識驚，未到恐慌性拋售。我諗我仲要耐心等待。

現時持有股份:

建行 (939) : 7000 股 @ 2.85 買入
工行 (1398): 7000 股 @ 平均價 4.16
中交建 (1800): 1000 股 @ 14.64 買入
渣打 (2888): 150 股 @ 平均價243.55
玖龍紙業 (2689): 1000 股 @ 16.24 買入

觀察中股份:

中壽 2628 – 有買貴無買錯
神華: 1088 – 龍頭，睇好煤炭股，只做開採，無乜下游業務，所以無銷售政策所影響
玖紙: 2689 – 超賣，純技術性分析