又有食神!!!

2008-02-21 日記

返新工既第四日，d 野開始上手，但都係緊張，唔敢放膽去做，所以都係做得好慢。我宜家主要都係將每日既到期payment 打返chats 比返d 客。或者到期要借錢比客既又要chats 比佢地，又要打電話比d 客confirm 返單deal d 內容，初初唔熟，又驚講少，又驚講錯，都好緊張，但宜家confirm 左幾日都開始熟啦。做左四日，除左第一日d 同事比我呢個新同事走先之外，我呢三日都要OT，聽黎好似做到好夜咁，其實都係做到六點八，有半個鐘OT claim，半個鐘OT錢等如我係永隆做到八點先有。講真我好樂意OT，因為d OT 錢真係幾和味。外資行就好主重員工既工作時間，做多左佢一定補償比你，咁先唔會白做架嘛。

下午又有呢外一個同事請我地team 食飯，呢d 請食飯只係聯誼下咁，無咩工作性質，連我個上司都話我好彩，一黎到就咁多飯食。可能佢地呢d 高級職員真係搵好多，一千幾百真係唔至在。今次真係好正，個同事用左佢架私家七人Benz 車我地去深灣遊艇會個度食飯。佢係個度既會員，今次唔係食好豪，都係食下d 點心，炒個飯咁，埋單七百六，唔算貴，可能係member 既關係，淨係membership 都比左唔少啦。