金字塔之迷

2008-03-08 日記

都係頂唔順，之前買既藥無咩效，早上去左睇醫生，我個口腔穿左個大隆，好似中左槍咁，醫生開左5 日藥比我，收左我360 蚊，好彩公司有得claim 返，claim 幾多就要睇返資料先知。

夜晚入左天水圍銀座睇”公元前10000年”，都ok，唔係話好好睇，只叫做無失望，戲入面有建築金字塔時既情景，佢地係用長毛象去運送d 大石，唔通真實既建築方法真係咁﹖因為到宜家古人點樣建造金字塔依然係一個迷，用長毛象黎運輸似乎係合情合理，但我唔知個時代係咪真係有長毛象，如果係有，或者真係用呢個方法都唔定。