錯誤觀念

2008-04-21 日記

一般散戶既誤解就係股價大就係貴，呢個錯誤亦都發生係我既經理身上。佢宜家讀緊個MBA ，個科要佢個team 人揀兩間上市公司去做比較，要一樣行業及差唔多size。佢地電話討論左好耐，其間有人提議用"思捷"同"IT"比較，我心想雖然係同行業，但size 可能差太遠，我個經理聽到呢個提議話: 思捷九十幾蚊，IT得兩個幾，差太遠啦，點比呀。我心想，雖然佢地既size 係有距離，但唔可以單用股價大小就話佢地差太遠。要比較大小，應該用佢地既市值 (股價 x 已發行股數) 或資產淨值 (NAV) 黎比較就準確得多啦。好似hsbc 百幾蚊，但渣打股價兩百幾，唔通渣打大過匯豐﹖就係因為一般散戶覺得大價股貴，所以唔會去炒d 大價股，而去炒細價股。